Waah Guh A Farin!!!!!

Wave to di plane wen it pass
You might get fi guh pon it one day
So wen di plane a pass
People stop the wuk an play

Embassi pack, evrybady want a visa
Fi guh a di lan wid di motto "God Bless America"
People tek out dem life savings
All guh teif wen dem nuh hav none
Wake up early an join di line a embassi
An immigration tun dem dung

Caah wait fi guh a farin
Caah wait fi start a new life    
Everyday people run weh
And find husban or wife
Caah wait fi get rich
America hav nuff opportunity
Cuz dung yah life is a.....

Mi waah go a farin
Inna luxury bed mi ago sleep
Mi ago wear all a di look good clothes dem
And get all a di good food to eat
Farin a place weh look clean
An nuhbody nuh poor
Weh nuh  beggas nuh deh pon di street
And nieghbors nah knock dung mi door!!

Mi know dis place a nuh heaven
An it not even deh near
But mi waah fi start a new life
Mi waah guh a farin dis year !!!!!